Агар сиз дориларни баъзан, эҳтиёжга қараб ёки доимий равишда қабул қилаётган бўлсангиз, шуни билишингиз керакки, йўриқномаларда кўрсатилган ножўя таъсирлардан ташқари, кўпинча айтиб ўтилмайдиган бошқа салбий оқибатлар ҳам мавжуд.
Улар организм учун муҳим бўлган витаминлар, минераллар ва бошқа фойдали моддаларнинг камайиши билан боғлиқ.
Масалан:
💊 Антибиотиклар руҳ (цинк) ва К витаминининг чиқиб кетишига сабаб бўлиб, иммунитетни сусайтиради.
💊 Қон босимини туширувчи дорилар руҳ захирасини камайтиради, сийдик ҳайдовчи дорилар билан бирга қабул қилинганда эса калий ва кальцийни чиқариб юборади. Бу юрак ритми бузилишига олиб келиши мумкин.
💊 Холестеринни камайтирувчи дорилар ёғда эрувчи витаминларнинг сўрилишини қийинлаштиради, қоннинг ивиш жараёнини бузиши мумкин. Шунингдек, коэнзим Q10 захирасини камайтиради, бу мушак оғриқларига ва ҳатто мушак тўқимасининг шикастланишига (рабдомиолиз) олиб келиши мумкин.
