Ферритин — организмдаги темир захираси. Уни меъёрга келтириш учун рационга ушбу маҳсулотларни қўшинг:
🥩 Гўшт ва субмаҳсулотлар (энг яхши сўрилади):
• Мол, қўй ва курка гўшти
• Жигар (мол ёки товуқ), тил, юрак
• Балиқ ва денгиз маҳсулотлари, тухум сариғи
🌱 Ўсимлик маҳсулотлари:
• Ясмиқ, нўхат, ловия, мош
• Гречиха, сули ёрмаси
• Исмалоқ, брокколи, лавлаги
• Қовоқ уруғи, кунжут, ёнғоқлар, туршак ва майиз
💡 Сўрилиш қоидалари:
✅ C витамини (булғор қалампири, лимон, карам, кўкатлар) билан бирга енг — темир яхшироқ ўзлаштирилади.
❌ Овқатдан дарҳол кейин чой ва қаҳва ичманг (1–1,5 соат кутинг).
❌ Темирли таомларни сут-қатиқ билан аралаштирманг.
Ферритин жуда паст бўлса, фақат овқат билан кўтариш етарли бўлмаслиги мумкин — шифокор билан маслаҳатлашинг.
