Ҳаво ҳарорати меъёрдан юқори бўлган кунларда саломатликка алоҳида эътибор бериш муҳим.
✅ Кўпроқ сув ичинг, чанқашни кутманг.
✅ Соат 11:00–17:00 оралиғида имкони борича очиқ қуёш остида юрманг.
✅ Енгил, оч рангли ва табиий матодан тикилган кийимлар кийинг.
✅ Бош кийим ва қуёшдан ҳимояловчи кўзойнак тақинг.
✅ Хонани шамоллатинг ёки салқин сақлашга ҳаракат қилинг.
✅ Оғир жисмоний меҳнатни эрталаб ёки кечқурунга режалаштиринг.
✅ Мева-сабзавотлар ва енгил таомларни истеъмол қилинг.
✅ Куни давомида душ қабул қилиш ёки юз-қўлни салқин сув билан ювиб туриш тана ҳароратини пасайтиришга ёрдам беради.
⚠️ Агар бош айланиши, кучли ҳолсизлик, кўнгил айниши ёки ҳушдан кетиш аломатлари кузатилса, дарҳол салқин жойга ўтинг, сув ичинг ва зарурат бўлса, тез тиббий ёрдамга мурожаат қилинг.
☀️ Иссиқ кунларда оддий эҳтиёт чоралари саломатлигингизни асрашга ёрдам беради.
