Тадқиқотларга кўра D3 витамини ёки темирнинг танқислиги дунёнинг ўртача 50–70% ида учрайди ва кўпчиликнинг бундан хабари бор.
Лекин биласизми, бундан ҳам муҳимроқ нутриент борки, унинг танқислиги бошқа витамин/минералларнинг ҳам даражаси пасайишига сабаб бўлади, ҳаттоки истеъмолда етарли бўлса ҳам ❗️
Ва бу нутриент — ОҚСИЛ
Оқсил инсон организми учун биринчи даражада муҳим ҳисобланади ва унинг ташувчи функцияси бор. Агар оқсил танқис бўлса, шу ташиш функцияси пасаяди ва организмда фойдали моддаларнинг керакли тўқимага етиб бориши билан муаммолар юзага келади.
Мисол учун: сизда D3 витаминининг танқислиги бор ва сиз уни ҳар куни ёғли нонушта билан қабул қиласиз. Ҳазм бўлиш жараёнида у ичакларга тушади, лекин суякка бориши керак. Мана шу ерда оқсил ёрдамга келиб, D3 ни ичакдан суякка бориши учун транспорт вазифасини бажариб беради.
Шунинг учун ҳам ҳар қандай дефицитни қоплаш оқсил балансини нормаллаштиришдан бошланади.
