Асосий омиллар:
☑ Сийдик йўлларидаги инфекциялар;
☑ Сийдик пуфаги ривожланиши билан боғлиқ муаммолар;
☑ Асаб тизими фаолиятидаги бузилишлар;
☑ Неврологик ҳолатлар;
☑ Кучли стресс ва руҳий зўриқиш.
Энурезнинг сабабини аниқлашда сийдик тизими ҳолати, инфекциялар ва бошқа касалликлар текширилади. Агар жиддий касалликлар аниқланмаса, мия ва сийдик пуфаги ўртасидаги сигналларнинг тўғри узатилишига эътибор қаратилади.
Кўп ҳолларда болада энурез пайдо бўлишига стресс ҳам таъсир қилиши мумкин. Масалан: оилада янги фарзанд туғилиши, ота-онанинг ажралиши, оиладаги жанжаллар, қўрқув ёки бошқа кучли руҳий кечинмалар.
ЭНУРЕЗГА ПСИХОЛОГИК ОМИЛЛАР ҲАМ ТАЪСИР ҚИЛИШИ МУМКИН
Оиладаги носоғлом муҳит, доимий жанжаллар, қўрқув, стресс, болага етарлича эътибор берилмаслиги ёки унинг руҳий босим остида яшаши энурезнинг кучайишига сабаб бўлиши мумкин.
Бундай ҳолатларда боланинг руҳий ҳолатига алоҳида эътибор бериш муҳим.
Узоқ давом этган стресс организмдаги айрим гормонал жараёнларга таъсир қилиши мумкин. Шу сабабли кечаси сийдик ажралиши ва уни назорат қилиш жараёнида ўзгаришлар кузатилиши эҳтимол.
Болани койиш ёки жазолаш ўрнига, уни қўллаб-қувватлаш ва муаммонинг сабабини аниқлаш муҳим.
